Best að nota tækifærið og skrifa á meðan það er ekkert að gera í vinnunni. Já, ég er búin að sitja hérna og gera nánast ekki neitt síðan um tólf og klukkan er núna að verða korter í þrjú. Mér leiðist!

Nú er þetta allt að smella saman, Andri kom í bæinn á laugardagskvöldið og við fengum íbúðina afhenta með það sama. Við mæðgur erum þó ekki alveg fluttar inn, en það stendur til bóta í dag. Ég er annars búin að vera veik í viku (eða réttara sagt meira og minna síðan 12. maí). Fór til Stera-Péturs á fimmtudaginn og hann rak mig heim og sagði að það væri ekkert að mér, nema smá kvef og barkabólga. Stelpurnar í vinnunni voru ekki alveg að samþykkja þetta og tóku úr mér fullt af blóði og mældu allan andskotann. Það kom ekkert út úr Mycoplasmanum, en sökkið var frekar hátt og CRP í hærra lagi....sem þýðir að ég er ekki með lungnabólgu og Pétur hafði rétt fyrir sér, hækkað sökk og CRP bendir nefnilega til þess að það séu einhverjar bólgur.

Jæja...meira seinna, þetta er rosalega spennandi og skemmtilegt blogg...

LUV YA'LL!!